૫૦૦ ગ્રામ ટમેટા
૧ ડૂંગળી
૧ લીલું મરચું
૧ નાનુ બટાકુ (જો થોડો કણીદાર કરવો હોય તો)
૧ ચમચી આદુ મરચાની પેસ્ટ
૧ ચમચો માખણ
મીઠૂં અને ખાંડ સ્વાદ પ્રમાણે

રીત :-

સૌથી પહેલા તો ટમેટાને ધોઈને બે કે ચાર ટૂકડા કરીને પ્રેશર કૂકરમાં બાફી લો. એની સાથે જ ડૂંગળીના પણ ટૂકડા કરી બાફી લો. અને જો સૂપને થોડો કણીદાર કરવો હોય તો બાફવામાં સાથે એક નાનું બટાકુ પણ નાખી દો. આ બધું જ બફાઈ જાય પછી તેને અલગ રાખી લો હવે એક વાસણમાં માખણ ગરમ કરી તેમાં લીલું મરચું, આદુ મરચાની પૅસ્ટ સાંતળો અને બાફેલા ટમેટાને તેમાં નાખી દો થોડીવાર હલાવી ને પછી ગેસ પરથી ઉતારી તેમાં હેન્ડ મિક્સી ફેરવીને બરાબર ક્રશ કરી લો. ત્યારબાદ આ મિશ્રણને ગાળી લો. તેમાં સ્વાદ પ્રમાણે ખાંડ અને મીઠું ઉમેરો અને ગેસ પર મુકીને ઉકાળો (હલાવતા રહો). જરુર પ્રમાણે ઘાટો થવા દો . ઉપરથી જરુર પ્રમાણે છીણેલું ચીઝ, ફુદિનો વગેરે નાખીને સર્વ કરો

                                        

સામગ્રી : -  

૨૦૦ ગ્રામ બાફેલા બટાકા
૨૦૦ ગ્રામ બાફેલું રતાળુ
૪ થી ૫ નંગ બ્રેડ
૧ ટી સ્પૂન આદુ મરચાંની પેસ્ટ
મીઠું સ્વાદ પ્રમાણે

સ્ટફિંગ માટે :-

૪૦૦ ગ્રામ દહીં
૧/૪ લીલું નાળિયેર ખમણેલું
૧/૪ કપ કોથમીર બારીક સમારેલી
મીઠું અને ખાંડ સ્વાદ પ્રમાણે

ગ્રેવિ માટે :-

૫ થી ૬ ટમેટા
૧/૨ કપ ડુંગળી બારીક સમારેલી
૧ ટેબલસ્પૂન કૉર્ન ફ્લોર
૧/૪ કપ બારીક સમારેલા કોથમીર અને ફુદીનો
૨ ટેબલસ્પૂન ઘી
૩ કપ દૂધ અને પાણી
મીઠું અને હળદર સ્વાદ પ્રમાણે

પેસ્ટ :-

૧/૪ લીલું નાળિયેર ખમણેલું
૧/૨ કપ સમારેલા કોથમીર અને ફુદીનો
૨ ટી સ્પૂન જીરું
૧/૨ કપ કાજુના ટુકડા
૨ થી ૩ નંગ લીલા મરચા
૩ નંગ લાલ મરચા
ઉપર લખેલો બધો મસાલો જરા જરા શેકીને પીસી લઈ પેસ્ટ તૈયાર કરો.

રીત :-

બટાકા અને રતાળુને બાફીને તેની છાલ ઉતારી છીણી લો. તેમાં મીઠું, આદુ મરચાંની પેસ્ટ ઉમેરો અને બ્રેડને પાણીમાં પલાળીને કાઢી લો દબાવીને પાણી નિતારી લો, હવે તેને બટાકા અને રતાળુના માવા સાથે ભેળવીને બાજુ પર રાખો.
દહીંને કપડામાં બાંધીને તેમાંથી પાણી નિતારી લો. ત્યારબાદ તેમાં સ્ટફિંગનો મસાલો ભેળવી લો.
હવે તૈયાર કરેલા માવાના નાના ગોળા કરીને તેની પૂરી બનાવી તેમાં વચ્ચે તૈયાર કરેલું સ્ટફિંગ થોડું મૂકી બંધ કરી તેના ગોળ કે લંબગોળ માર્બલ્સ બનાવી તેલમાં ડીપ ફ્રાય કે શેલો ફ્રાય કરી લો અને વધારાનું તેલ ચૂસાઈ જાય તે માટે આ માર્બલ્સને સીધા પેપર નેપ્કિન પર કાઢી લો.
ત્યારપછી ટમેટાને ઊકળતા પાણીમાં નાખીને તેની છાલ કાઢી બારીક સમારી લો.
હવે એક કૂકિંગ પૅનમાં ઘી ગરમ કરી તેમાં ડૂંગળી અને વાટેલી પેસ્ટ સાંતળી લો. તેમાં બારીક સમારેલા ટમેટા નાખી ધીમા તાપે ૪ થી ૫ મિનિટ સુધી હલાવો. ત્યારબાદ દૂધમાં કૉર્ન ફ્લોર મેળવી ધીમે ધીમે તેમાં ઉમેરતા જાઓ. થોડી વાર માટે ઢાંકણ ઢાંકીને ગ્રેવીને ચડવા દો. ઊકળી જાય એટલે ગેસ પરથી ઉતારી લો.
તળીને પેપર નૅપ્કિન પર કાઢેલા માર્બલ્સ એક ઊંડી પ્લેટમાં ગોઠવો અને તેની બાજુમાંથી ગ્રેવિ રેડતા જાઓ જેથી માર્બલ્સ ગ્રેવિની અંદર ઢંકાઈ ના જાય. ઉપરથી દાડમના દાણા અને કોથમીર નાખીને ગરમ ગરમ પીરસો.

દૂધી ૫૦૦ ગ્રામ
પનીર ૧૦૦ ગ્રામ
કાજૂના ટુકડા ૨ ચમચા
કાજૂની પૅસ્ટ ૧ ચમચો
કીસમીસ ૧ ચમચો
ડૂંગળીનું છીણ ૧ ચમચી
વાટેલું લસણ ૪ કળી
વાટેલું આદુ ૨ ચમચી
ટમેટા ૪૦૦ ગ્રામ (છીણેલા)
મીઠું, મરચા પાવડર, તેલ, ધાણાજીરુ, હળદર પ્રમાણસર
ચણાનો લોટ ૧૦૦ ગ્રામ
ક્રીમ ૧૦૦ ગ્રામ
લીલા મરચાં ૪ નંગ
ગરમ મસાલો ૧ ચમચી
મગજતરીના બીજ ૧૦ ગ્રામ

રીત -

ચણાના લોટમાં મીઠું, હળદર, મરચં અને પાણી નાખીને ખીરૂ બનાવો
પનીર મસળીને તેમાં મીઠું - લીલા મરચાના ટુકડા અને કીસમીસ નાખી પુરણ બનાવો
દૂધીની છાલ ઉતારીને છીણી લો, તેને નીચોવીને પાણી કાઢીને બાજુ પર રાખો (આ પાણી ગ્રેવી બનાવતી વખતે તેમાં ઉમેરી દેવું)
હવે આ છીણમાં મીઠું, ડૂંગળીનું છીણ,મરચાની પૅસ્ટ, નાખીને મીક્સ કરી લો
દૂધીના પુરણમાંથી નાના ગોળા બનાવી તેની વચ્ચે પનીરનું પુરણ મૂકીને તેને લંબગોળ આકારમાં વાળી લો.
હવે આ બધા કોફતાને ચણાના લોટના ખીરામાં બોળીને ગરમ તેલમાં તળી લો
મગજતરી, ડૂંગળી, લસણ અને આદુ મરચાની પૅસ્ટ બનાવો
એક વાસણમાં ઘી અથવા તેલ મૂકીને આ પૅસ્ટ સાંતળી લો, તેમાં કાજૂના નાના ટૂકડા કરીને નાંખો અને છેલ્લે ગરમ મસાલો નાંખી હલાવો
હવે આ ગ્રેવીમાં છીણેલા ટમેટા, કાજૂની પૅસ્ટ, સ્વાદ પ્રમાણે મીઠું, હળદર, ધાણાજીરૂ ઉમેરો.
ગ્રેવી બરાબર ઘટ્ટ થઈ જાય પછી તેને નીચે ઉતારી લો.
એક સર્વિંગ બાઉલમાં કોફતા મૂકી, તેના પર તૈયાર થયેલી ગ્રેવી પાથરો, ઉપરથી ફ્રેશ ક્રીમ, કાજૂના થોડા ટૂકડા અને કોથમીર નાખીને સર્વ કરો.

૬ નંગ બ્રેડ
૩ ટમેટા બારીક સમારેલા
૨ સમારેલી ડુંગળી
૧ ચમચી આદુ મરચા
૧ ચમચો સમારેલી
૩ ચમચી ઘી / માખણ
૨ ચમચા મોળુ દહીં
૧ ચમચો ચીઝ છીણેલું
૧ મોટુ કેપ્સિકમ બારીક સમારેલું
મીઠું મરી સ્વાદ પ્રમાણે

રીતઃ-

બ્રેડના નાના ચોરસ ટુકડા કરી લો, ડુંગળીને છીણી નાખો અને ઘી અથવા માખણમાં સાંતળી લો. સહેજ ગુલાબી રંગના થાય પછી તેમાં કેપ્સિકમના પીસ ઉમેરો, ૫ ૭ સેકંડ પછી ટમેટાનાં ટુકડા ઉમેરો અને બે મિનિટ સાંતળો.

ત્યારબાદ તેમાં બ્રેડના ટુકડા નાખી દહીં, મીઠું, મરી નાખો. સ્વાદ પ્રમાણે ખાંડ અને લીંબુનો રસ નાખી શકાય..

બે મિનિટ પછી કોથમીર નાખીને નીચે ઉતારો. ઉપર ચીઝનું છીણ નાખીને તરત જ સર્વ કરો.

આમાં નવીનતા લાવવા માટે તળેલા નુડલ્સ પણ ઉપરથી ઉમેરી શકાય.

રીત :-

મેંદો ચાળી લો. બટાકા અને વટાણા બાફીને માવો કરો મેંદામાં બન્ને મિક્સ કરીને તેમાં મીઠું, આદુ-મરચા કોથમીર ઉમેરીને લોટ બાંધી લો. હવે તેમાંથી મોટા લુવા કરો.

ગાજરને સાફ કરીને છીણી નાખો, કોબી અને ડુંગળી પણ છીણી લો. આદુ મરચાની પૅસ્ટ બનાવી લો.
એક વાસણમાં ૧ ચમચો તેલ લઈ ગરમ થાય એટલે તેમા ડુંગળીનું છીણ સાંતળો. પછી આદુ-મરચાની પૅસ્ટ નાખીને સાંતળો. ત્યારબાદ તેમાં ગાજર અને કોબીજનું છીણ ઉમેરીને હલાવો. હવે તેમાં મીઠું, ખાંડ, લીંબુનો રસ, કાજુ, દ્રાક્ષ અને કોથમીર નાખીને બરાબર મિક્સ કરી પુરણ તૈયાર કરો.

હવે એક પછી એક લુવો લઈને પાટલી પર મોટો રોટલો વણો, તેમાં પુરણ લગાડીને રોટલાનો ધીમે ધીમે રોલ વાળો. રોલને બન્ને બાજુથી બરાબર બંધ કરીને બ્રેડક્રમ્સમાં રગદોળી લો. એક બૅકીંગ ટ્રૅમાં માખણ લગાડીને તૈયાર કરેલો રોલ તેમાં ગોઠવો. તેના ઉપર છીણેલું ચીઝ અને માખણ નાખીને ૩૦ મિનીટ માટે બૅક કરવા મુકો.

રોલ ઠરે પછી તેને સ્લાઈસમાં કાપી લો અને કૅચપ અથવા ચટણી સાથે પીરસો

સામગ્રી:-

૧ કપ ઘઉંના ફાડા
૧ ચમચો ઘી
૩/૪ કપ ખાંડ / ગોળ
૫ કપ પાણી
ઈલાયચી પાવડર
જાયફળ પાવડર
કાજુ
દ્રાક્ષ

રીત :-

ગેસ પર એક પહોળુ વાસણ મુકી તેમાં  ૧ કપ ઘઉં ના ફાડા નાખી શેકો, થોડા શેકાય જાય પછી ૧ ચમચો ઘી ઉમેરી ફરીથી શેકી લો. (સહેજ ફુલેલા લાગવા માંડે ત્યાં સુધી શેકવા)
સાથે સાથે બીજા વાસણમાં ૫ કપ પાણી ગરમ કરવા મૂકો.
ફાડા શેકાય જાય એટલે તેમાં ગરમ પાણી અને ખાંડ અથવા ગોળ ઉમેરી બરાબર ઓગળી જાય ત્યાં સુધી હલાવો.
સારી રીતે હલાવ્યા બાદ એક વાસણમાં કાઢી લઈ તેને કુકરમાં મૂકીને ૩ થી ૪ સીટી થવા દો.
હવે એક વાસણમાં થોડું ઘી લઈ તેમાં કાજુના ટુકડા અને દ્રાક્ષ સાંતળીને કાઢી લો, કૂકરમાંથી બફાઈ ગયેલા ફાડાને હવે તે જ વાસણમાં સાંતળી લો. જાયફળ પાવડર અને ઈલાયચી પાવડર નાખીને બરાબર મિક્સ કરી લો…
અને હવે લાપસીને સર્વીંગ બાઊલમાં કાઢીને ઉપરથી સાંતળેલા કાજૂ અને દ્રાક્ષથી સજાવો.
તૈયાર છે આપણી પરંપરાગત અને પૌષ્ટિક “સ્વીટ ડીશ”

            બાળકો મોટે ભાગે ફ્લાવરને જોઇને દૂર ભાગતા હોય છે, પણ ખાટો, ખારો સ્વાદ અને ચીઝ તો એમને પ્રિય જ હોય છે.
            આ પરાઠા બાળકોના લંચબોક્ષમાં આપવામાં સરળ રહે છે. ચીઝ હોવાને કારણે આ પરાઠા ઠંડા પણ સ્વાદિષ્ટ લાગે છે. લંચબોક્ષમા એને જામ લગાવીને પણ મૂકી શકાય છે.

(રાજેશ્વરી શુક્લની ફરમાઈશ પર…)

સામગ્રી :-

ઘઉંનો લોટ
૧/૨ કપ  છીણેલું ફ્લાવર
૧ ચમચો છીણેલું ચીઝ
ગાર્લિક પાવડર
મરી પાવડર
ચાટ મસાલો

રીત :-

ઘઉંનો લોટ લઈ તેને મોણ નાખી પરાઠાનાં લોટ પ્રમાણે બાંધી લો. લોટ બાંધતી વખતે તેમાં મીઠું ઓછું નાખવું, કેમકે સ્ટફિંગમાં ચીઝ છે જે ખારું જ હોય છે.

હવે છીણેલ ફ્લાવરમાં ચીઝ, ગાર્લિક પાવડર અને મરી પાવડર નાખીને મિક્સ કરી લો.

નાના પરાઠા વણીને ફ્લાવર અને ચીઝનાં મિશ્રણને વચ્ચે મુકીને ફરી વાળીને બંધ કરી દો (સ્ટફ કરી દો) હળવે હાથે એને વણી લો.
તવી પર ઘી મુકીને પરાઠાને શેકો, અને ગરમ હોય ત્યાં જ તેના પર જરા જરા ચાટ મસાલો છાંટી લો.

સામગ્રી :-      

૩   કપ    દહીં (થોડું પાણી કાઢેલું)
૧    કપ   ફણગાવેલા અથવા બાફેલા મિક્સ કઠોળ
૧/૨ કપ પાતળા અને લાંબા સમારેલા કૅપ્સીકમ
૧/૨ કપ ખમણેલી કોબીજ
૧/૨ કપ ખમણેલું બીટ
૧     કપ  લીલી દ્રાક્ષ ટૂકડા કરેલી અથવા ૧/૪ કપ સૂકી દ્રાક્ષ
૧   નંગ   કેળું નાના ટુકડા કરેલું
૧   નંગ   સફરજન ઝીણું સમારેલું
૧   નંગ   લીલું મરચું ઝીણું સમારેલું
૧ ચપટી રાઈનો પાવડર
મીઠું, મરી સ્વાદ મુજબ

રીત :-

એક મોટા બાઉલમાં દહીં નાખીને બધીજ સામગ્રી એક પછી એક કરીને ઉમેરતા જાઓ.
અને બધું જ સારી રીતે મીક્ષ થઈ જાય ત્યારબાદ બાઉલને સિલ્વર ફૉઇલ અથવા પ્લાસ્ટિક રૅપથી ઢાંકીને ઠંડુ થવા રેફ્રિજરેટરમાં મૂકી દો.

આ સલાડ રોટલી, ખાખરા કે પાપડ સાથે ખાઈ શકાય છે.

આમ તો કોઈપણ સલાડ કાકડી વિના અધુરો કહેવાય છે, પણ ઘણા લોકો કાકડી સાથે દહીં લેવું પસંદ કરતાં નથી. છતાં પણ જેને ભાવતું અને ફાવતું હોય તેઓ ટેસ્ટ માટે આ સલાડમાં કાકડી પણ ઉમેરી શકે છે.

ખમણેલું બીટ ઉમેરવાને લીધે આ સલાડ દેખાવે પણ ખૂબ જ સરસ લાગે છે

બનાવવામાં સાવ સરળ અને જરાય સમય ન બગડે એવો આ સલાડ કૅલરી કોન્શિયસ ગૃહિણીઓએ ખરેખર અજમાવવા જેવો છે. વિટૅમિન્સ, પ્રોટીન અને ફાઇબરથી ભરપૂર આ સલાડ એકવાર જરૂરથી બનાવજો અને મને જણાવશો પસંદ આવ્યો કે નહિ…

૧/૨ વાટકી ફણગાવેલા ઘઉં
૩/૪ વાટકી ચોખા
૨૫૦ ગ્રામ કોબીજ
૧ નંગ ડુંગળી
૧ નંગ ટમેટું
૧ નંગ લીલું મરચું
૩ - ૪ નંગ લવિંગ, તજ, એલચી
૧ નાનો ટુકડો આદુ
લીલા ધાણા
મીઠું અને ગરમ મસાલો સ્વાદ મુજબ

રીત :-

ઘઉંને ૮ કલાક પલાળ્યા પછી જાળી જેવા પાતળાં કપડામાં ૨૪ કલાક બાંધીને રાખી મૂકો, તેમાં અંકુર ફૂટી આવશે.
ચોખા ને ધોઈને થોડું પાણી લઈ પલાળો. કોબી, ટમેટું અને ડુંગળીને બારીક કાપી લો.
કોથમીરને ઝીણી સમારીને બાજુ પર રાખી દો.
એક કડાઈમાં થોડું ઘી અથવા તેલ લઈ તજ, લવિંગ અને એલચીનો વઘાર કરો. મરચાંને ઝીણું સમારીને નાખો.
ચોખામાંથી પાણી કાઢી લઈ તેને વઘારમાં નાખી શેકી લો. શેકાય જાય એટલે તેમાં ઘઉં તથા કોબીજ નાખી ફરી ૨ થી ૩ મિનિટ સુધી શેકો.
હવે તેમાં ૩ વાટકી પાણી ઉમેરો, ત્યારબાદ મીઠું, હળદર તથા ગરમ મસાલો નાખી હલાવી ઢાંકી દો. ઊકળી જાય એટલે ધીમા ગેસ પર રાખી ચડી જાય ત્યાં સુધી રાખો.

આ પુલાવને રાયતા કે ચટણી સાથે પણ પીરસી શકાય છે. પીરસતી વખતે લીલા ધાણા અને દાડમના દાણા નાખીને સજાવી શકાય.

૨ કપ     છીણેલું ગાજર
૨ કપ     છીણેલી કોબી
૧ કપ     છીણેલું ફ્લાવર
૧/૪ કપ  ક્રશ કરેલા વટાણા
૫ - ૬    કળી લસણ
૧ નંગ     બારીક સમારેલી લીલી ડુંગળી
બારીક સમારેલા લીલા મરચા
૧  ચમચી ચીલી સૉસ
૧ ચમચો  સોયા સૉસ
૧ ચમચો મેંદો
૩ ચમચા  કોર્ન ફ્લૉર
૧/૨ ચમચી મરી પાવડર
૧/૨ ચમચી આદુની પૅસ્ટ
૧/૪ ચમચી અજિનોમોટો
મીઠું સ્વાદ પ્રમાણે
તળવા માટે તેલ 

રીત :-

   છીણેલું ગાજર, છીણેલી કોબી, છીણેલું ફ્લાવર , ક્રશ કરેલા વટાણા બધું જ ભેગુ કરી તેને દબાવી ને પાણી કાઢી નાખો.
 
   હવે તેમાં કોર્ન ફ્લૉર, મેંદો, લીલી ડુંગળી, બારીક સમારેલા લીલા મરચા, મીઠું અને એક ચપટી જેટલો અજિનોમોટો નાખી તેને હલાવીને બરાબર મિક્સ કરી લો. હવે તેમાથી નાના નાના ગોળા વાળી લો.
 
   એક ફ્રાઈંગ પૅનમાં તેલ ગરમ કરીને બધાં ગોળાને ગોલ્ડન બ્રાઊન થાય ત્યાં સુધી ડીપ ફ્રાય કરો.

   હવે એક અલગ ફ્રાઈંગ પૅનમાં ૨ ચમચા તેલ મુકી બારીક સમારેલું લસણ, લીલી ડુંગળી, આદુની પૅસ્ટ અને લાંબા સમારેલા લીલા મરચા સાંતળી લો.

   ત્યારબાદ તેમાં પાણી, ૧/૨ ચમચી કોર્ન ફ્લૉર્ , મીઠું, અજિનોમોટો, મરી, સોયા સૉસ, ચીલી સૉસ ઉમેરો અને ઉકળવા દો. થોડું ઘટ્ટ થવા દો. હવે ઘટ્ટ થયેલી આ ગ્રેવીમાં તળેલા ગોળા ધીમે ધીમે ઉમેરતા જાઓ.

   ફ્રાઈંગ પૅનને ઢાંકીને ૩ - ૪ મિનિટ સુધી ચડવા દો.
   
   ગરમ ગરમ પીરસો…