સ્વાદ.કોમ

સામગ્રી:- 

૨ કપ     છીણેલું ગાજર
૨ કપ     છીણેલી કોબી
૧ કપ     છીણેલું ફ્લાવર
૧/૪ કપ  ક્રશ કરેલા વટાણા
૫ - ૬    કળી લસણ
૧ નંગ     બારીક સમારેલી લીલી ડુંગળી
બારીક સમારેલા લીલા મરચા
૧  ચમચી ચીલી સૉસ
૧ ચમચો  સોયા સૉસ
૧ ચમચો મેંદો
૩ ચમચા  કોર્ન ફ્લૉર
૧/૨ ચમચી મરી પાવડર
૧/૨ ચમચી આદુની પૅસ્ટ
૧/૪ ચમચી અજિનોમોટો
મીઠું સ્વાદ પ્રમાણે
તળવા માટે તેલ 

રીત :-

   છીણેલું ગાજર, છીણેલી કોબી, છીણેલું ફ્લાવર , ક્રશ કરેલા વટાણા બધું જ ભેગુ કરી તેને દબાવી ને પાણી કાઢી નાખો.
 
   હવે તેમાં કોર્ન ફ્લૉર, મેંદો, લીલી ડુંગળી, બારીક સમારેલા લીલા મરચા, મીઠું અને એક ચપટી જેટલો અજિનોમોટો નાખી તેને હલાવીને બરાબર મિક્સ કરી લો. હવે તેમાથી નાના નાના ગોળા વાળી લો.
 
   એક ફ્રાઈંગ પૅનમાં તેલ ગરમ કરીને બધાં ગોળાને ગોલ્ડન બ્રાઊન થાય ત્યાં સુધી ડીપ ફ્રાય કરો.

   હવે એક અલગ ફ્રાઈંગ પૅનમાં ૨ ચમચા તેલ મુકી બારીક સમારેલું લસણ, લીલી ડુંગળી, આદુની પૅસ્ટ અને લાંબા સમારેલા લીલા મરચા સાંતળી લો.

   ત્યારબાદ તેમાં પાણી, ૧/૨ ચમચી કોર્ન ફ્લૉર્ , મીઠું, અજિનોમોટો, મરી, સોયા સૉસ, ચીલી સૉસ ઉમેરો અને ઉકળવા દો. થોડું ઘટ્ટ થવા દો. હવે ઘટ્ટ થયેલી આ ગ્રેવીમાં તળેલા ગોળા ધીમે ધીમે ઉમેરતા જાઓ.

   ફ્રાઈંગ પૅનને ઢાંકીને ૩ - ૪ મિનિટ સુધી ચડવા દો.
   
   ગરમ ગરમ પીરસો…